आधी डॉ. नरेंद्र दाभोलकर यांच्या नावाने दुसऱ्याच कुणाचीतरी कविता प्रसारित करायची आणि नंतर तिला उत्तर म्हणून एक कविता लिहायची. असा मूर्खपणा म्हणजे साप म्हणून भुई धोपटण्याचा प्रकार आहे. डॉ. नरेंद्र दाभोलकर यांच्या नावाने 'नास्तिक आहे मी' अशी कविता आणि त्या कवितेला उत्तर देणारी 'खणखणीत उत्तर' नावाची कुणा डॉ. सचिन चिंगरे यांची कविता पसरवली जात आहे. या 'खणखणीत उत्तराची चिरफाड जरूर वाचा.
==============
*खणखणित उत्तर, संपूर्ण वाचा..*
डाॕ.नरेन्द्र दाभोळकरांच्या खालील कवितेला *डाॕ. सचिन चिंगरे* यांनी दिलेल निर्भिड उत्तर
( सुरुवातीला दाभोळकर यांची कविता नंतर डाॅ. सचिन चिंगरे यांची कविता )
जरुर वाचा.....
मुर्त्यांना पुजण्यापेक्षा,
माणूसकीला पूजतो मी❗
काल्पनिक देवांना न मानता,
फुले,शाहू,आंबेडकरांना वाचतो मी❗
छाती ठोकून सांगतोय,
असत्य नाकारणारा नास्तिक आहे मी❗
पोथ्या,पुराणे वाचण्यापेक्षा
शिवरायांना वाचतो मी❗
दगडासमोर त्या कशाला झुकू❓
जिजाई,सावित्री, रमाईपुढे नतमस्तक होतो मी❗
छाती ठोकून सांगतोय,
असत्य नाकारणारा नास्तिक आहे मी❗
घामाचे पैसे दानपेटीत टाकून,
भटांची घरे भरत नाही मी❗
तहानलेल्यांना पाणी,
भूकेलेल्यांना अन्न देऊन,
त्यांच्यातच देव शोधतो मी❗
छाती ठोकून सांगतोय,
असत्य नाकारणारा नास्तिक आहे मी❗
हिंदू,मुस्लिम,सिख,ईसाई म्हणून जगण्यापेक्षा,
माणूस म्हणून जगतो मी❗
धर्मातील पाखंडांना न जपता,
माणूसपणालाच जपतो मी❗
छाती ठोकून सांगतोय,
असत्य नाकारणारा नास्तिक आहे मी❗
कर्तुत्ववान माणसापेक्षा,
दगडाला श्रेष्ठ समजत नाही मी❗
मंत्र,होमहवन,कर्मकांड यांना पायाखाली तुडवून,
मनगटावर भरवसा ठेवतो मी❗
छाती ठोकून सांगतोय,
असत्य नाकारणारा नास्तिक आहे मी❗
मांजर आडवी गेली म्हणून न थांबता,
थेट माझ्या ध्येयाजवळ त्या पोहोचतो मी❗
अंधश्रद्धेला मातीत लोळवून,
विज्ञानवाद स्विकारतो मी❗
छाती ठोकून सांगतोय,
असत्य नाकारणारा नास्तिक आहे मी❗
👆
याला
👇
*डॉ. सचिन चिगंरे यांचे निर्भिड उत्तर*
दाभोळकर ही केवळ एक व्यक्ति नसून (केवळ हिन्दू) धर्म चिकित्सा करू पाहणारी, वरुन स्वतःला नास्तिकही म्हणविणारी एक बेगडी प्रवृत्ति आहे असे मी मानतो .
दाभोळकरांच्या जादूटोणाविरोधी कार्याचा मी आदर करतो. परंतु फक्त *हिन्दू धर्मपरंपरेवरील एकांगी टीके**चा पण निषेध करतो.
माझी ऊत्स्फूर्त प्रामाणिक कविता या अप्रामाणिक, हिंदुत्वद्वेष्टया, खोट्या धर्मनिरपेक्ष परंपरेवर परखड नर्भीड टीका करते. हे माझेही संविधानदत्त अभिव्यक्ति स्वातंत्र्य आहे.
हिंस्त्र धर्मांध कट्टरांना
घाबरुन पळतो मी,
शांत सहिष्णू हिंदूंनाच
यथेच्छ शब्दांनी झोडतो मी,
नी वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
टीका करतो गणेशोत्सवावर
मोहर्रम ताबूतला डरतो मी,
बकरी-ईदला मी शेळी होतो
होळीवर शूर टीका करतो मी,
नी वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
उपहास करतो तीर्थयात्रांचा
हज बाबत चूप बसतो मी,
आरतीने ध्वनिप्रदूषण म्हणतो
बांगेपुढे नतमस्तक होतो मी,
नी वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
मंदिर, भट, दक्षिणा दिसते
दर्गे ,पीर,चढावा दिसत नाही,
जणू हिन्दू धर्मातच फक्त दोष
ईतरांत एकही असत नाही,
नी वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
मी पुरोगामी दहशतवाद
ही श्रद्धा ती अंधश्रद्धा ठरवतो,
कावळा होत हर हिन्दूसणाला
हटकून अपशकून करवतो,
वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
कु-हाडीचा दांडा गोतास काळ
अस्सा मी द्वाड आहे,
क्रूर देशद्रोही धर्मांधांपुढे
शेपूटघालू भ्याड आहे मी,
नी वर छाती ठोकून सांगतो
सत्य नाकारणारा बेगडी
सेक्युलर नास्तिक आहे मी.
दाभोळकर तेव्हा तुम्ही गप्प का?
देवाला फूल चढ़वलं जातं
तेव्हा तुम्ही रागवता!
मग मेणबत्ती पेटवते वेळी,
चौथर्यावर चादर चढ़वते वेळी,
*तुम्ही गप्प का दाभोळकर?*
माझा गणपती घरी येतो
तेव्हा तुम्ही टिका करता!
त्यांचा शांताक्लॉज येतो त्यावेळी
त्यांचा मसीहा येतो त्यावेळी
*तुम्ही गप्प का दाभोळकर?*
माझ्या मुलांच जावळ उतरवणं
तुमच्या नजरेत जुनाट चालीरीत!
त्यांचं मुल मेरीच्या मांडीवर देते वेळी,
त्यांची सुंता होते त्यावेळी
*तुम्ही गप्प का दाभोळकर?*
आमचे व्रत उपवास सण
तुम्हाला नकोसे होतात!
पण त्यांचा रोजाच्या वेळी
यांचा गुडफ्रायडे वेळी
*तुम्ही गप्प का दाभोळकर?*
माझ्या शिक्षणात धर्माला जागा नाही
त्यांचं मात्र धर्मावर शिक्षण बंधनकारक
ख्रिस्ती/इंग्रजी शाळेत येशु मूर्तीरूपानं हज़र
*त्यावेळी तुम्ही गप्प का दाभोळकर?*
स्री शिक्षणातली हिंदू सावित्री कधी तुम्ही समजूनच घेतली नाही, कारण मुस्लिम बुरख्यातुन व पाश्चमात्य नग्नता
*चांगली वाटली ना दाभोलकर?*
आमचे एकपत्नी राम व त्यांचं कुटुंबनियोजन
तुम्ही जगासमोर मांडलंच नाही, कारण एकाच पुरुषाच्या ४ बायका व त्याची २० पोर
तसेच दर सिजनला बायका बदलणारे पाश्चिमात्य तुमच्या मनाला जास्त भावले का?
*विचार करा दाभोळकर अन मग सांगा, तेव्हा तुम्ही गप्प का?*
माझी ती अंधश्रद्धा जगासमोर मांडलीत,
मग इतरांची ती काय?
म्हणे सत्यशोधक, कुराणातील काहीच असत्य नाही का?
अन् बायबलमध्ये तिथेही काहीच असत्य नाही?
की सत्य शोधण्याचा व अपप्रचार करण्याचा छंद केवळ हिंदुत्वा पुरताच मर्यादीत ठेवणे
*तेवढे सोयीस्कर वाटले का तुम्हाला दाभोळकर?*
-+-+-+-+-+-+-+-+-+-+-+-+-+-+-+-+-+-
असेच निर्भीडपणे लिहिणारे हिंदुअभिमानी जागोजागी तयार झाले पाहिजेत तरच या तथाकथित फेक्युलर फुर्रोगाम्याना चाप बसेल, नाहीतर कोणीही अलबत्या गलबत्या उठतो,
अन हिंदुंवर टपली मारुन जातो . या असल्या पाखंडीचे असेच वस्त्रहरण केलेच पाहिजे.
अप्पा पाध्ये गोळवलकर;
गोळवली; कोंकण .
८७६७०७१७०५
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
यांचे खणखणीत उत्तर किती पोकळ आहे ते खालील पोस्टमधून कळते.
*डॉ. सचिन चिंगरे यांचे निर्भीड उत्तर हा तर हुकलेला नेम*
ही कविता *अर्जुन भीमराव सुर्वे* यांची आहे *डॉ नरेंद्र दाभोलकर यांची नाही.*
कदाचित डॉ सचिन चिंगरे हे *व्हाट्सअॅप युनिव्हार्सिटीचे पीएचडी* असावेत.
त्यामुळे ही कविता डॉ. दाभोलकर यांची खरोखरच आहे का? हे शोधायचे साधे भान सुद्धा त्यांनी बाळगलेले दिसत नाही. की त्यांनी स्वतःच या कवितेचे कवी म्हणून मुद्दाम डॉ. दाभोलकर यांचे नाव टाकून प्रसारित केली आहे?
हे लक्षात घेता, डॉ दाभोलकर यांना लक्ष्य ठरवून दिलेले त्यांचे हे निर्भीड उत्तर हवेत फिरवलेल्या काठीसारखे आहे.
दाभोलकर यांचे नाव वाचून त्यांनी जे काही कथित शौर्य दाखवले आहे ते अस्थानी आहे.
आता यातून त्यांना काही बोध होत असेल तर त्यांनी हे तथाकथित निर्भीड उत्तर त्या कवितेचे कवीअर्जुन भीमराव सुर्वे यांना पाठवावे.
आणि इथून पुढे निर्भीडपणा दाखवताना व्हाट्सअॅप युंनिव्हार्सिटीचे ज्ञान पाजळण्याऐवजी थोडा कॉमन सेन्स सुद्धा वापरावा.
-चला उत्तर देऊया टीम